" ស្ថាបត្យកម្ម គឺជាវិធីសាស្រ្តសិល្បៈក្នុងការបង្ហាញអោយឃើញពី វប្បធម៌ អរិយធម៌ សេដ្ឋកិច្ចរបស់ប្រទេស ឬសញ្ជាតិណាមួយ។ " - សុទ្ធ ពន្លឺ
នៅឆ្នាំ២០១៣ លោក សុទ្ធ ពន្លឺបានចាប់ផ្តើមសិក្សាលើជំនាញរចនាខាងក្នុង។ មួយឆ្នាំក្រោយមក គាត់បានចុះកម្មសិក្សារយះពេល១ឆ្នាំ ហើយក៏បន្តសិក្សាបណ្តើរ និងបានចូលធ្វើការងារនៅក្រុមហ៊ុនស្ថាបត្យកម្មមួយចំនួនអស់រយះពេល ៥ឆ្នាំ ជាមួយនឹងបទពិសោធន៍ជាច្រើនក្នុងការងាររចនា និងសាងសង់។ ដោយមានការសហការពីបុគ្គលពីររូប គាត់ក៏បានផ្តួចផ្តើមចេញជា DeArch21 Architecture + Design ហើយក៏បានជោគជ័យនូវគម្រោងជាច្រើនជាពិសេសប្រភេទគម្រោង អាជីវកម្ម លំនៅដ្ឋាន ជាដើម។ ដោយសង្កេតឃើញឪកាសបន្ថែមក្នុងវិស័យនេះ គាត់ក៏បានចាប់បន្ថែមផ្នែកដេគ័រ និង មូលដ្ឋានបណ្តុះបណ្តាល និងចែករំលែកអំពីកម្មវិធីស្ថាបត្យកម្ម។
