"ស្ថាបត្យកម្មគឺជាការរួមបញ្ចូលគ្នារវាងសិល្បៈ និងការសាងសង់ ដែលបង្កើតជាមុខងារ និងសោភ័ណភាព ដើម្បីបំពេញតម្រូវការរបស់មនុស្ស និងធ្វើឱ្យជីវិតរស់នៅរបស់ពួកគេកាន់តែប្រសើរ។ តាមរយៈស្ថាបត្យកម្ម វាក៏ជាការឆ្លុះបញ្ចាំងការរីកចំរើនរបស់សង្គម ពីអតីតកាល។" - ម៉ៅ ម៉េងឆ័ង្គ
ក្នុងឆ្នាំ 2013 លោក ម៉ៅ ម៉េងឆ័ង្គ បានចូលរៀននៅសាកលវិទ្យាល័យន័រតុន ដើម្បីចាប់ផ្តើមជីវិតជាស្ថាបត្យកររបស់គាត់។ បន្ទាប់មកនៅឆ្នាំ 2017 គាត់បានចូលបម្រើការងារជាមួយស្ថាបត្យករ SROMAL អស់រយៈពេលមួយឆ្នាំ មុនពេលទទួលបានបរិញ្ញាបត្រផ្នែកស្ថាបត្យកម្មនៅឆ្នាំ 2018។ នៅពាក់កណ្តាលឆ្នាំ 2018 គាត់បានក្លាយជាស្ថាបត្យករនៅ Bloom Architecture អស់រយៈពេលពីរឆ្នាំកន្លះ។ ក្រោយមក រួមជាមួយសហសេវិកបួននាក់ផ្សេងទៀត លោកបានសហការបង្កើត Thmor Architects និងបានបញ្ចប់គម្រោងរចនាជាច្រើន។